Fars dıyoədə Amerkə bəbe ıştə rəftoron isloh bıkə.

İroni hərbiyə ğıvvon aliyə sıxən əvot təkidış kardə: Amerkə bəbe dəvardə dıvrəonku vey Fars dıyoədə bəştə hərbiyə kəştion rəftor və hərəkəton nizorət ijən əvoni kontrol bıkə.

Bə İrna raporti əsos İroni hərbiyə ğıvvon aliyə sıxənon əvot Qeneral Mayor Seyed Məsud Cəzayeri votışe: ım ki Amerkə hərbi rəsmion İroni hərbiyə kəştion barədə bə ğeyri profesenalə rəftoron istenadeşone qıləy be əsosə sıxənon ijən İroni mıttəhəm karde mənodəy.

Əv votışe: jıqonə sıxənon və bə İroni dıyoiyə hərbion zidd ittihamon ya bə ğələtə məlomaton əsose və ya xot co hədəfon iyən niyyətonış heste.

İroni hərbiyə ğıvvon aliyə sıxənon əvot təkidış kardə: Fars dıyoədə harcurnə noəmn əkə vəziyəti amil Amerkə hərbionin ijən İron ujnən xəbə dorəti dodə ki Amerkə hərbion bəbe ıştə rəftori isloh bıkən.

Çımiku bə nav həm çı İroni sepah təşkilati dıyoiyə ğıvvon Zulfəğar nomo bıə məxsusə qrupi fərmondə Fars dıyoədə Amerkə hərbi qəmion rəftoron barədə xəbə dortiş doə be.

Qeneral Mayor Haşımi çı Amerkə hərbiyə mərkəzon nadırıstə xəbəon barədə elanış kardə ki: Fars dıyoədə xarıciyə hərbiyə ğıvvon ğeyri ğanuniyə huzuri dəvomədə 20 ruj çımiku bə nav çı Amerkə qıləy hərbi qədə qəmion qıləy ğeyri profesenalə rəftori əncom doe cərəyanədə ijən bəy xəbə dorti doe bəpeştə bə İroni hərbi qəmion nız bıə bən.