İron bə Lukzemburqi məhkəmə etırazış kardə.

İroni mərkəziyə bank İroni pulon mısodirə və toğif karde xoto bə Lukzemburqi məhkəmə tojə ğərol etırazış kardə.

Bə İrna raporti əsos İroni mərkəziyə bank qıləy bəyaniyə vasitə elanış kardə həminə ğəroli ləğv kardero İroni mərkəzi bank de prezident aparati beynəl xalğ huğuğiyə mərkəz ijən co əbzaron istifodə karde i tərəf etıraz bəkay və co tərəf bo İroni milləti həxon xoto cəhd bəkay.

Im bəyaniyədə ğeyd bıə: ım mısodirə və ğərol fəğət muğəddəmə və zahirədə bıə hərəkəte ijən çəy vədə mane bey xoto çandə ğanunon ijən bə məhkəmə moraciət karde bərnoməon hestin.

İroni mərkəziyə bank təsdiğış kardə: Amerkə tojə hərəkəton İroni dıvləti bənə terroristiyə dıvlət hisob karde ijən bə İroni əleyh tojə təhrimon təsdiğ karde muxtəlifə sahəonədə beynəl xalğ ğanuni ləğv əkey və həminə proses dıvləton həxon ləğv karde kənoədə bə İron və Amerkə miyono konsuliyə rabitəon barədə ğərardadon zidd hisob bıdə.

Lukzemburqədə qıləy məhkəmə Amerkə dışmənçiyə siyasəton icra karde çərçivədə əmrış doe ki 1 milyard 600 milyon Dollar çı İroni pulon ki Lukzemburqi bankonədə noə bəy mısodirə və toğif bıbu əv həm de be əsosə ittehamon xoto.