Amerkədə Fələstiniku himoyə aksiya dəvom

Los Anceles və Nyu Yorkədə Fələstiniku himoyə kardə etırozəkəyon de ım kişvəri 2 qılə bə aeroporti rəsey roon dəbastey vositə, bə Ğəzzə ələyh sionist rejimi həmləon diğğət kardey tələbışon kardə.

Bə İran Peres aqentiyəti raporti əsos, Amerkəvıjə mənbəon elon kardışone ki etırozəkəyon de mane icod kardey bə tətilaton xoto mısofiron səfə kardey vəy qəətey bois bıən.

Əvon de qıləy plakadroni bə dastışon qətə bin ki bəvədə Amerkə devlətiku tələbışon kardə ki qıvonə hərbi koməkon ki sionist rejimi ixtiyorədə ğəror  doəşe ki etosniyeku fosilə bıqəton.

Im aksiyaku kəşə filmon nışoş do ki polis kali ım etırozəkəyon dastqirış kardə be. Bə elon bıə raporton əsos, Los Ancelesədə 35 nəfər və Nyu Yorkədə 26 nəfər dastqir bıən.