Rəyisi: İron İslom Respublika siyosət, məzlumonku mudafiə kardeye
İron İslom Respublika prezdent, İroni siyosəti, məzlumonku mudafiə kardey iyən zalimon vədə ğiyon kardey elanış zınəşe.
Bə İrna raporti əsos, zinə İron İslom Respublika prezdent, Seyd İbeym rəyisi Zəncani milləti miyonədə, ijən Kermani Qolzare şohəda terroristiyə cinoyəti məhkum kardey bəpeşt votışe: İron İslom Respublika siyosət, məzlumonku mudafiə kardey iyən zalimon vədə ğiyom kardeye.
Əv takidış karde: muxtəlifə baxşonədə deşmonon xəbisə planon vecudi, İroni millət ıştə səpo iyən mıstəğil mandə və səbarze.
İron İslom Respublika prezdent dəvomədə elm və texnoloqiya baxşonədə de işorə bə İroni inkişofon əlovəş kardə: de sanksiyaon və deşmənətion vecudi, İroni millət barzə qəmon peqətəşone və bə dınyo nışoşon do ki de bə İlahi erjon təkyə karde bəznın inkişof və texnoloqiya soyb bıbun, və ımruj dınyoədə İron həmonə kişvəre ki və ın muvəffəğiyəton dast peydoş kardə.
Rəyisi de təkid bə atom enerjiku İroni sulhomiz istifodəon votışe: deşmon təsəvvur əkardi ki de alimon terrori karde bəzne kişvəri atom sənaye be hərəkət bıko, əmmo muvəffəğ bə ni.
İron İslom Respublika prezdent ijən təsdiğış kardə: bə məntəğə ali sədron və kişvəron rəsmi şəxson iyən eksperton etırofi əsos, İron İslom Respublika istikbori vədə, muğavimətış kardə və de ğudrət ıştə hədəfon dumoədəy.
Rəyisi dəvomədə bə Ğəzzə təhəvulaton işorəş kardə iyən votışe: de İroni millət və şəhid Suleymani deşmənəti kardey boçimi xotoe ki İroni nizom, İslomi inğilobi Rəhbər və millət, bə Fələstini həx iyən məzlumon həx təkidışon heste.
İron İslom Respublika prezident təkidıç kardə ki botil məhv bey holədəy, ijən votışe: Fələstini zumandə iəyn məzlume və sionisti pesoxtə bıə rejim be şək, məhv bənine.
