İron çı Pokıstoni bə Səravani kardə həmləş məhkum kardə

İron çı Pokıstoni bə Səravani kardə həmləş məhkum kardə

İron çı Pokıstoni bə Səravani kardə həmləş məhkum kardə - İron İslom Respublikə Xarici Koon Vəzirəti sıxanəvot ımruj sıbi zəmonədə (pencşambə ruji) çı Pokıstoni bə İroni cənub-şərğədə bıə Siston və Bəluciston əyoləti Səravan sərhəddədə bə həyot dəvordınə hucumış məhkum kardə.

İroni Siston və Bəlucistoni qubernatorəti siyosi iyən əmniyyəti məsələon muavin Əlirza Mərhəməti votəşe:ımruj(pencşambə ruji) sıbi zəmondə saat 4:30-də Səravan şəhri əraziyədə çandə qılə tıpemoni sədo məsey bıə və çı təhğiğoton bədiqə,məlum bıə ki,Pokiston çe İroni marziyə diyonku qıləyni hədəış ğərol doə.bə Mərhəmətinin sıxanon əsos,bın hucumədə 3 qılə kjen,4 hırdən iyən 2 qılə ğeyri-ironı merd həlok bıə.

Demi əloğədor bə Təsnimi xəbə əsos;İroni Xarici Koon Vəzirətii sıxanəvot "Nasir Kənani" çı Pokıstoni bə İron İslom Respublikə sərhəd məntəğədə bə qılə noxtə kardə hucumış məhkum kardə.Kənani votəşe:Etırozi rəsmi şikilədə rosney və demi əloğədor çe Pokıstoni hukumətiku izohot tələb kardero çın kişfəri səfirəti mıvəğğəti koon vəkil bə İron İslom Respublikə Xarici Koon Vəzərotxonə vanq jıey bıə.