Imom Cəvodi(ə) milod

Imom Cəvodi(ə) milod

İİmom Cəvodi(ə) xıslətonku muhimmə qıləyni ım be ki,İmom rıza(ə) şəhodəti bəpeştə hırdənəti sinnədə çe mısılmınon imomət iyən rəhbərəti məsuliyyətış bəştə ehdəş peqəte.həlbətt ın məsələ inev çe həzrəte İsa(ə) hırdənəti zəmondə nıbuvvət iyən çe Yəhya(ə) nevcıvonəti zəmonədə bıə pəyğombərəti bəyod dənoydə.çoko ki,Məryəmi mıborəkə surə 12-ə şərifə ayədə Xıdovənd hamyedə:”ya Yəhya…..(Çoko ki, Yəhya(ə) se sornə hırdən be,əmə bəy xitob kardemone ki)ha Yəhya ha!tı çəmə osmoniyə kitobi de (nıbuvvəti)zumandəti omut və bəy hırdənəti sinnədə nıbuvvəti məğam baxşemone.

İmom Cəvodi(ə) bənə bə tohid iyən Xıdopərəstəti dəvəti və bə Həx-Təala zoti dığğət iyən pənoh bardey simvoli unvoni muşkilotədə be.

Qıləy torıxi hodisədə nəğl bıə ki,i dəfə diyəroə royku bo İmom Cəvodi(ə) boho ğıymətinə hədiyyəon vardedəbin.əmmo kərvon roy piyo de dızdə dastə dimbədim omin və əyo bıə mol-əmvolon dızdiye bin.bo İmom Cəvodi(ə) həmonə hədiyyəon vardə kəs bə ə həzrəti qıləy noməş nıvışte və İmom(ə) çın vağiyəku xəbədoş karde.İmom Cəvod(ə) bə həmonə şəxsi cəvobədə ıştən deştə xətti nıvışteşe:bərosti çəmə con iyən molon Xıdo çokə baxşeşeon iyən çəy əmonəte.çanədə ki,əmə çə həmonə molonku qıləy bəhrəmon bıbu,əmə şo və xoşhol beydəmon və çiçışon bardə və ya çı miyoniku şıə,ehyanə səbrkəmon, qıləy əcr iyən səvob bəbardemon.hakəs (muşkilotədə)beğərol bıbu(tov nıvo) iyən səbr nıko,çəy əcr zay bəbe.