Venesuelədə İroni xorəkon i minə festival bərpo bıə.

Venesuelə paytəxtədə bıə Karakas şəhrədə İroni xorəkon iyən İroni surfə nomo bıə i minə yolə festival bərpo bıə.

Bə İrib raporti əsos Karakasədə bıə İroni səfir Mustəfa Əəlayi ım festivali dəvoniye əsliyə hədəfış dınyo ğərbiyə kişvəron de İroni rişədorə mədəniyəti oşno karde bəyonış kardə və votışe: bə həmohənq bıə bərnamon əsos, patə bıə xorəkon bə mehmonon həvatə bəbe tə çəy faydon bo Venesuelədə bıə sərətaniyə hırdənonro xərc bıbu.

Çı Venesuelə xarıci vəzir, Delsi Rodriqez həm ım mərasimədə iştirokış kardə bıə ıjən jıqonə festivalonış milləton mədəniyyəti elanəkə iyən çəvon miyono dustanə nezə əloğəon vey əkə amil hisobış kardə.

Festivalədə bıə iştirokəkəyon həm çı İroni milləti bəzi kanə mədəniyyətiku oşno bey bəpeştə, İnoniyə xorəkonışon vey ləzzətin iyən dıli bəştə tərəf cəlbəkə hısobışon kardə.