Beynəlxalğə əmniyyəti bə xəto eğandeyu amerkəku Rusiyə tənğid.
Apr 09, 2017 08:15 Asia/Tehran
Rusiyə xarici koon vəzir Amerkə devlətiku təşkil doə canqonədə məntəğə iyən beynəlxalğə əmniyyəti bə xəto eğande xoto tənğidış karde.
Bə İRNA xəbon əsosi Rusiyə xarici koon vəzir Lavrov de Almaniya xarici koon vəziri təşkil doə telefoniyə votımonədə elanış karde Amerkə bə Suriyə rəketinə hucum de beynəlxalğə terarizmi mubarizə bardeədə bərobər ni.
Lavrov votışe: Amerkə bə Suriyə ıştənbəsə rəketinə hucum qıləy təcavuzkarə hərəkəte və əlavəş karde Vaşinqton bə Suriyə rəketinə hucumi məntiği nışon doeyu lozim bə sənədış nıbı.