Umumdınyo Məçiton Ruj
Umumdınyo Məçiton Ruj
Iron İslom Respublikə iyən ziyodə İslomi kişfəron təğvimədə,mordadə manqi 31-ə ruj de avqusti 21-ə ruji bərobəre,de Umumdınyo Məçiton Ruji məşhure.Həşi 1348-ə və milodi 1969-sori,jıqo qıləy ruji saət haft sıbi zəmonədə israyilijə şəxs denis maykl velim rohan bəsə Məscidul-Əğsa bonisə rost be və bəy otəşış je.bın vəş qəteyədə çe Məscidul-Əğsa sahəku bə 1500 kvadrat metr nezi ərazi otəşədə mıncır be,sute.bın vağiyədə çe Məscidul-Əğsa ğədimə minbər həm otəşədə sute.ın minbər torıx təğribən bə 500 sori nezi rəseydə.
Çe məçiti eyvon deçəy sutunon iyən ğovs bəsə Ələğsa peyo bıə ğubbə iyən çəy əsliyə sutunon ki,məçit bəsə çəvonsə ğərolış qətəbe,vəşış qəte iyən çe məçiti bonəkulə rıjiye.çəy təzinot iyən dekorasiya çe miyoniku şe və məçiti dılədə bıə çuyə ğumbədiku qıləy baxş,mehrob,ğıbilə divo,məçiti dılədə oko doey bıə mərmərə sığon,ahənqi neviku bıə pencə iyən ranqinə şişə,xolçəon,kaşiyon iyən zərinə koon ki,çe antik əsəronku bə hisob omeydəbe,çe miyoniku şe.ın hodisə bə çandə həzo ozodə milləti məxsusən bə mısılmınon ğəmqinəti iyən ğıyzinəti səbəb be.çıro ki,Məscidul-Əğsa İslomə dinədə dıminə islomi muhimmə məçit bə hisob omeydə və çe əhəmiyyəti dərəcə nəzəku həm,səudiyyə ərəbıstoni Məkkə şəhrədə bıə Məscidul-Hərami bəpeşt,çe dınyo mısılmınon həmməysə muhimmə məçite.həmçinin çun Məscidul-Əğsa çe pəyğombəri(s) Besəti sıftədə,çe mısılmınon iminə ğıbilə be,çəvon nəzdədə iyən palu qıləy barzə məğamış heste.
