İron iyən Braziliya bə mıştərəkə həmkoəti inkişofi xususi təkid kardedə

İron İslom Respublikə Braziliyədə bıə səfir və çın kişfəri Amapay əyoləti vali çe dıqlə kişfəri miyono mıxtəlifə sahəonədə bə mıştərəkə həmkoəti inkişofi təkid kardedən.

Bə İRNA məlumoti əsos,İron İslom Respublikə Braziliyədə bıə səfir Əbdullah Nikunam zinə pencşambə ruji şəvi zəmonədə virtual məkonədə ıştə şəxsi səyfədə jıqoş nıvıştə: “Amapay əyoləti qubernator Selsio Luis və əyo iştirok kardə barzə səviyyəynə mudir iyən meneceron didoədə çe ticorət,loqistikə, nəğliyyot,mə`dən,di təsərrufot və vişə muhafizə departamentonku de mıxtəlifə məsələon anqıl mıştərəkə həmkoəti potensyiali həxədə çokə mızokirə və fiki mıbodilə bardey be.

Nikunami əlovəş kardə ki,çe Braziliyə şimol çəy cənubiku farğ doə holədə kamış inkişof kardə, lakin bə nuyə ixtisodi imkonon malike və de dıyo nəğliyyoti bə Braziliyə mərkəzi hərəkət məxsusən bə Amapay əyoləti boəmə muhim və ixtisodi xususiyyətonku qıləyniyeş.İron İslom Respublikə Braziliyədə bıə səfiri votəşe:bə Amapay əyoləti səfə kardey bənav de İroni nəğliyyot və nat-kimya sektori rəsmiyon interesinə mevzuon və bəzi təklifon həxədə mızokirəm karde.