Xarici Koon Vəzir:İroni prinsipiyalə siyosət bə mığoviməti dastək doeye

Xarici Koon Vəzir:İroni prinsipiyalə siyosət bə mığoviməti dastək doeye

Xarici Koon Vəzir:İroni prinsipiyalə siyosət bə mığoviməti dastək doeye

İroni xarici koon vəziri bəyonış kardə ki,çı İron İslom Respublikə prinsipiyal iyən əsosə siyosət çe mığoviməti məhvəri himoyə kardeye.bə İRNA doə məlumoti əsos,İroni xarici koon vəzir Seyd Əbbos Ərağçi işambə ruji de Livani Hizbullah İronədə bıə nımoyəndə Seyd Əbdullah Səfiəddini bıə didoədə bə  İron İslom Respublikə de qenosidəkə sehyonist rejimi işğali zidd ğanuni surətədə mıborizə bardə məntəğə milləton mığoviməti dastək doeyədə bəştə prinsipiyalə siyosəti dəvom doey təkid kardəşe.

Seyd Əbdullah Səfiəddin həmçinin çı Seyd Həsən Nəsrullah və çe Livani Hizbullah co rəsmiyon de İroni Xarici Koon Vəziri vəzifə bino kardey mınosibəti bə Seyd Əbbos Ərağçi təbrikə mesajış rosnə və çı İslomi Respublikə mığoviməti məhvəri kişfəron bıə dastəkış barz qətə.Ərağçi və Seyd Əbdullah Səfiəddin həm məntəğə oxonə hodisəon mızokirə kardə holədə,Livanədə bə ğəsbkorə seonist rejimi ələyh mığoviməti cəbhə vəzyət və bə Fələstin,Ğəzzə tanqə və İordan ru ğərbi sahilədə bıə ısətnə hodisəon qıləy dığğət kardəşone.