Vəşyəni nəticədə, Ğəzzə sakinon tədrici maq

Əzizə əməson, Ğəzzədə sionist rejimi etosniye təğribən bə 1 sor nez bıdə.

Oktiyabrə manqi 7minnə rujiku ki bə Ğəzzə tanqə sionist rejimi həmmə tərəfiyə təcavuzon bino be tosə ısət ım tanqə muxtəlifə məntəğəonədə, təğribən 80 həzo ton  tıpemoni maddon vığandə bıə. Im miğdor tıpemoni maddon bə ım məenoe ki sionist rejim har qılə merd, jen və hırdəni vədə 36 kiloqıram tıpemoni maddonku istifodəş kardə. Im cinoyət nə ım ki Ğəzzə milləti zəxmin bey və şəhodəti boyis bıə bəlkəm əmələdə bə Ğəzzə tanqə milləti sə bəpe, maqi sayə ğərorış dodə.

Çand həzo canqi zəxmin bıə kəson həm ıştə coni dastiku doəşone.çımisə əlovə, sionist rejim iyən çəy ğəssobə iminnə vəzir, de bə Ğəzzə harcurnə humanitarə koməkon vığandey vəy qətey vositə, ım tanqədə vəşyanəti nığılə behroni icod kardışone, jəğo ki vəşyəni həm bo ım tanqə milləti şəhodətiro  məxsusən bo jenon və hırdənon şəhodətiro bənə amil təbdil bıə.

Sionistə deşmon, Ğəzzə tanqə sakinon vəşyanəti siyosəti dumoədəy. həminə cəhətədə, İ Bıə Milləton Təşkilot və nez bıə təşkiloton, Ğəzzə muxtəlifə məntəğəonədə vəşyanəti nığılə behroni barədə ki maqi əlovə bey boyis beydə, çəşnavi doşone iyən təkid kardışone ki Ğəzzədə 50 həzo nəfərisə əlovə, şiddətinə xorəki kam beyku əziyət və əzob vindeydən və Ğəzzə tanqədə insoni vəziyət, fociəku bəpeye.

Əzizə dəmə bə ico bıə kəson, Fələstini hırdənon, Ğəzzə tanqədə israili cinoyəton vey muhimmə hədəfin. Bə Yunisefi İ Bıə Milləton Təşkiloti hırdənon aqentəti sıxənəvoti eloni əsos, Ğəzzə canqədə hırdənon vey qıvonə xərcon doşone və ım məntəğədə hiç stabiləti ni.

Həminə holədə Afrika şimol və Miyonə Şərğədə İ Bıə Milləton Təşkiloti aqentəti reqiyonal mudir həm çəşnaviş doydə: Ğəzzədə har rujnə vızməti bəpe bə qıləy adi ko əvəz məbu ijən çəşnaviş do ki bo Ğəzzə hırdənonro əmnə fəzo mevcud ni. Bə reportajon əsos, har ruj rijiyə binaon jiədə nuyəzand və qədə hırdənon cənozəon xarıc kardedən və bo zəxmin bıə hırdənonro ki tarsiku bəmedən, hiç əmnə vırə baği mandə ni.

Sionist rejimi cinoyətkorə iminnə vəzir, Benyamin Netanyahu jığo təsəvvur kardedə ki de Ğəzzə milləti muğaviməti darıştey və etosniye vositə, Ğəzzədə ıştə məğlubiyəti əvəz kardey karde bəzne.

Siyosi məsələon ekspert, İsmoil Bağıri həminə barədə voteydə: bə Ğəzzə ələyh sionist rejimi 10 manqisə əlovə həmləon nəticə, fəğət molki şəxson xususi jenon və hırdənon ğətliame ki nə ım ki canqi muvəffəğiyət bə hisob omeydə ni, bəlkəm bo beynəlxalğə umumi fikonro sionisti hakimon cinoyəton subit kardedə, hırdənon hədəf ğəror doey əcumlə məktəbonədə, sioniston tarsoəti nışonəy.