Pezeşkiyani çe Avropə bə israyili cinoyəton ələyh tam jeyış tənğıd karde

Pezeşkiyani çe Avropə bə israyili cinoyəton ələyh tam jeyış tənğıd karde

Pezeşkiyani çe Avropə bə israyili cinoyəton ələyh tam jeyış tənğıd karde

İroni prezdent deştə fransəvıjə həmko bıə didoədə çı Avropə kişfəron de seonist rejimi cinoyəton iyən canqi hevuj kardey anqıl dıcurnə siyosətış tənğıd karde.

Bə Tele-Rədyo xəbə aqentləti doə məlumoti əsos,İroni prezdent Məsud Pezeşkiyan Nyu-Yorkədə ıştə səfə planon dəvom doə holədə,çoşambə ruji şəvi zəmonədə de Fransa prezdent Emmanuel Makroni vindemonış kardə və çe dıqlə kişfəri miyono həmkoətiyon hevuj kardey iyən çe sehyonist rejimi bə Fələstini milləti zidd bıə qenosidi məsələş mızokirə kardə.

İron İslom Respublikə prezdent reqiyonədə çı ziddiyyət iyən mınoğişə ziyod bey vəy qəteyro bə sehyonist rejimi cəvobən hovsələninə rəftori işorə kardə holədə voteşe:sehyonist rejimi cinoyəton de kom ğaydə bə sofi bekardey bəbe?Amerkə iyən ğərbi kali kişfəron,ə cumlə həm Fransa ımi bənə ğanuni ıştəni mıdofiyə təsvir kardedə.İroni prezdenti əlovəş kardə:Əqər ımruj mıstəğilə kişfəronku qıləyniyədə bə iqlə şəxsi ələyh vəhşiyəti kardey bıbu,insonə həxon iddiyoçiyon çe dınyo qırd iştimoyi rayi bəçımi zidd səfərbər bəkardeyn,lakin Ğəzzə və Livanədə çandə həzo beqınoə inson kıştey beydə və çın iddiyoçiyon sədo həm beşeydəni.