İron iyən Rusiyə miyono enerji sahədə həmkoəti hevuj kardey

İron iyən Rusiyə miyono enerji sahədə həmkoəti hevuj kardey

İron iyən Rusiyə miyono enerji sahədə həmkoəti hevuj kardey

İroni enerqetikə vəzir və çe Rusiyə enerqetikə vəzir çe dıqlə kişfəri miyono ğazə turbinon loyihə kəşey,istehsol iyən enerji şəbəkəon i kardey sahədə bə təcrubə mıbodilə və texnoloqiyə transferi təkid kardəşone.

BRİKS-i kişfəron enerji vəziron sammitədə iştirok kardero bə Moskva səfə kardə İroni enerqetikə vəzir Əbbos Əliobodi çoşambə ruji de Rusiyə enerqetikə vəzir Serqey Tsivilevi dido kardəşe və çe dı tərəfinə həmkoəti inkişofışon mızokirə kardə.

Bə Tele-Rədyo xəbə aqentləti doə məlumoti əsos,Əliabadi və Tsivilev nat və ğazi sahədə bə jimon dəvordınə bıə loyihəon nəzəku dəvordınəşone və bə çın planon çəy vaxtədə bə oxo rosney təkid kardəşone.

İroni enerqetikə vəzir həmçinin de BRİKS-i uzvon həmkoəti hevuj kardey və inkişof kardero İroni imtiyozinə coğrafi mevğey işorə kardə holədə,bə bərpo bıə enerjiyon xususi dığğət rosney iyən bın sahədə hartərəfinə plani kəşeyışon bəyon kardə.Əliabadi BRİKS sammiti enerji sahədə bıə əhəmiyyətiku qəp jıə holədə,çı BRİKS-i uzvon i hissə çı dınyo həmməysə dıjd və əsosə enerji istehsolçi,əmmo diqər hissəş həm enerji istehlokçi bey bə nəzə sıə holədə,çın sammiti dəvordıney əhəmiyyəti dı kərə ziyod kardedə.

İroni enerqetikə vəzir çın sammiti de BRİKS-i uzvon miyono hartərəfin və foydəninə həmkoəti icod kardero çokə fırsət bə əməl omeyış bəyon kardə və əlovəş kardə ki,İron bın sammitədə sənaye və texniki həmkoəti inkişofiro təklifon təğdım bəkarde.