Pezeşkiyan:İron reqiyonədə əmniyyət iyən sulhış piyedə

Pezeşkiyan:İron reqiyonədə əmniyyət iyən sulhış piyedə

Pezeşkiyan:İron reqiyonədə əmniyyət iyən sulhış piyedə

İron İslom Respublikə prezdenti votəşe:İron reqiyonədə əmniyyət iyən sulhış piyedə.bə İRNA xəbə aqentəti doə məlumoti əsos,İron İslom Respublikə prezdent Məsud Pezeşkiyan çoşanbə ruji bə Ğətəri poytaxt Doha şeyədə votəşe:amerkəvıjon və avropəvıjon bəmə voteşone ki,qıləy hərəkət məkənən ki,i haftə dılədə Ğəzzədə sulh bəbe.əmə həm səbrımon karde ki,sulh bəbe, əmmo,əvon ıştə ğətlı-amonışon hevuj karde və həni həm addi be.

Pezeşkiyani əlovəş karde: “Əmə reqiyonədə əmniyyət iyən sulhımon piyedə və çı HƏMAS-i siyosi ofisi rəhbər İsmoyl Həniyyə Tehronədə bə ğətl rosnə kəs israyile və əv,ıştə cinoyəton bə oxo nırosno,həni həm bə şiddətinə reaksiyə şoyd bəbe.

İron İslom Respublikə prezdenti dı rujnə səfə de Ğətəri əmir Şeyx Təmim bin Həməd Ali Sani rəsmi dəvəti bə əməl omə və ğərole ki,İron İslom Respublikə prezdent de Ğətəri əmiri qıləy rəsmiyə didoş bıbu.ın səfə zəmonədə Pezeşkiyan çı dıqlə kişfəri barzə səviyyəynə nımoyəndə heyəton vindemonədə həm iştirok bəkarde və çı dıqlə kişfəri miyono mıştərəkə həmkoəti sənədon imzo kardey mərosimi həm bərpo bəbe.

İron İslom Respublikə prezdent çın səfə dıminə ruji 19-ə Asiya Həmkoəti Diyaloq Forumədə (ACD) iştirok və nıtğ bəkarde iyən yəğın ki,de bın forumədə iştirok kardə kali kişfəron bəzi yolon və rəsmi şəxson vindemonon həm bıko.