Bə Rusiyə səfər kardero viza ləğv bıə.

İroni turizm, dastiyə sənaye və mədəniyə irson təşkilati muavin votışe: bə Rusiyə səfər kardero turiston viza ləğv bey bə Rusiyə həmmə şəhron aide.

Mortıza Rəhmani Movəhhıd de İrna aqentiyəti mısohibə karde votışe: həmonə qrupon ki bo turistiyə səfəron xoto ijən dastə-dastə forma səfər kardedən ujnən bə viza ehtiyocışon ni və karde bəznen rohət bə Rusiyə və İron səfər bıkən.

Əv təkidış kardə ki ım ğərol bo xərcon kam karde ijən turiston səfəri rə kardero vey təsirış bəbe.

Rəhmani Movəhhed ijən votışe: viza ləğv karde məsələ qıləy 2 tərəfiyə mıvzoe ki İron kamilən hozzo mandedə ta de har qılə kişvəri ki bepiyəşe əncom bıdə təsdiğ bıkə.

İroni turizm, dastiyə sanaye və mədəniyə irson təşkilati muavin təsdiğış kardə: bə co qılə kişvəron daxil beyro həm İron bo viza rejimi ləğv kardero vey koonış kardə və ısət dınyo 190 qılə kişvəronku şəhrvandon karde bəznen İroni 9 qılə Airportonədə viza bıstənon.

İroni mədəniyyəti xıvand bıə vey qrupon əcumlə Tolışon Urusiyətədə jidən.