Bə Abanə manqi 13-ə ruji məxsus
Bə Abanə manqi 13-ə ruji məxsus
İslomi İnğılobi Ali Məğaminə Rəhbər Həzrət Ayətullah Xameneyi,amerkə komilə sirətədə çe istikbor iyən imperiyalizmi nımunə hisob kardedə.istikbor bə qıləy kişfəri daxil bıbu,səy kardedə həmonə kişfəri təhdid bıko.yəni harco kardey bızıno,çə həmonə kişfəri həmmə çi boştə nəf iyən xeyri mısodirə bəkarde. Çın zolımkor iyən sıtəmkorə cəbhə mığobilədə mandə dastə,qıləy qrupe ki,de həmonə istikbor iyən imperiyalizmi mıborizə bardedən.
Xıdovənde-Xalığ Fatıri mıborəkə surə 43-ə şərifə ayədə jıqo hamyedə:”istikbarən fil ərzi…çəvon ın koyku bıə ənqizə iyən motivasiya fəğət zəmini peyo hışkəqiyəti iyən yavə hiylə be və yavə hiylə ğərəz çəy soybi dovnə cokəsi nibəqəte.çən,aya ğərəz navkonəyon(məşumə) adəti co çi çəş kardedən? və hiçvaxti Xıdo sınnəti(adəti) əvəz bıənin nibəvindeyş”.
Xıdovənde-Aləm bın şərifə ayədə çe mınhərifon çe həxıku bə diyəro mandey dıqlə dəlilədə elon kardedə: əvvəl ıme ki,əvon zəmini dimisə çe istikbori tərığ iyən roşon qəte və hiçvaxti hozzı nıbin çe həxı vədə təslim bıbon.dıminə dəlil ıme ki,əvon bəd iyən yavə hiyləonışon ıştə koon sərlohvə ğərolışon doe.və holın ki,ın hiyləqərətiyon çəvon soybon dovnə dəbəqəte və əvoni çe Xıdo məxloği palu iyən İlahi dərqoyədə beabru bəkarde və əvoni hejo bəçəvon ıştən dədə-bobon tale və sərnıvışti dıço bəkarde ki,çəvonku har qıləyni bə dıjdə bəloon qiriftor bıəbin.çe ımrujnə tuğyonqər iyən yoləşəxə istikbori mığobilədə,fəğət iqlə amil mandə ki,çəy vəy qətey bəzıne iyən çə həmonə istikbori vədə mane bey bəzıne və əv,həm çe milləton irodə iyən sabitğədəmətiye.qıləy zəmon ki,mərdum oğon və bə ğərol omeydən ki,çe istikbor iyən imperiyalizmi mığobilədə bımandon,çe istikbori cəbhə və amerkə iyən çəy həmmə hərbi təchizoton həni qıləy ko bənav bardey nibəzıneyn.ın həmonə insoni nuktəy ki,İslomi İnğılob hejo çe sıftənə rujiku bəy təkid kardedə və İslomi nizom bə ın ğoymə sutuni əsos,ıştə binaş soxtə və rostış kardə.
Xıdovənde-Xalığ bəy təkyə kardə holədə çe zolımkor iyən tuğyonqərə dastə mığobilədə mandən iyən mığovimət nışon doydən,bəvon jıqo və`də doydə:”İnnəlləzinə…yəğınən,çəmə pərvərdıqor Xıdoye votə, peso istiğomət kardə kəson,firiştəon bəvon nozil beydən və(bəvon voteydən)ki,mətarsənən iyən ğəmqin məbən və bəşmə bəşorət bıbu ki,bəşmə qıləy vəhışti və`də doey bıə”.(Fussilət-30).
Imruj İslomi Respulikə de qıləy barzə vanqi,hiç qıləy tars nıbə holədə,çe dışmeni təhdidiku xofış nıbə holədə və çəvonku qıləy vohimə nıbə holədə,bə zolımi,bə sultə ələyh və istismor iyən istikbori zidd fəryod kəşeydə və milləton ıştə təsiri jiyədə ğərol doydə.İroni mərdum çe Kərimə-Ğıroni təlimonku bəhrə bardə iyən əy ulqu ğərol doə holədə dayima,bə kişfəri istiğlol iyən izzəti oqətey təkid kardedə və hiçvaxti çe botılə bəsə həxısə bıə sultə ğəbul kardedəni,bəlkəm bə Kərimə-Ğıroni hamye əsos,həxı ğalib iyən botıli çe miyoniku şıənin zıneydə….
