Tırkiyədə ədəbiyot beynəl xalğiyə festival bərpo bıə, İroni ədəbiyoti barədə icloson.

Adəbiyot beynəl xalğiyə festival de İron, Rusiyə, Azərbaycan Respublika, Qurcestan və Tırkiyə ədəbiyoti barədə icloson dəvoniyə mehvəriyət, Tırkiyədə bərpo bıə.

Bə İrna raporti əsos ım festivalədə ki Tırkiyə Trabzon şəhrədə bərpo bıə, İroni ədəbiyot de Səədi Şirazi mehvəriyət ijən fəalə şəxsiyəton şer handə mərasim icra be.

Im mərasimədə çı Ərzrum şəhri Ataturk universiti farsi ədəbiyot və zıvoni kalıci rəis Roza Nemət Yıldirım ijən çın şəhrədə bıə İroni sərkunsoli mədəniyə məsul Həsən Dideban şerışon hande ijən nıtğışon ka.

Çandə məğaləon ijən elmiyə bərnoməon həm bə İroni ədəbiyot və şeri aid proqramon ım festivalədə bərpo bıə.

Həmçınin çı Rusiyə ədəbiyot və şer de Rusiyə ənvışton və əlimon bənə Poşkin və Tolstoy mehvəri zinə Tırkiyədə bərpo bıə.

Tırkiyə kişvəri ədəbiyot həm de Mərhum Yunes Emrə əsəron mehvəriyəti təğib və təhğiğ bıə.