Bə sionist rejimi qenosidi, beynəlxalğə etırozon dəvomi

Bə Ğəzzə tanqə ələyh sionist rejimi qenosidi canqi dəvomi dumoədə, dınyo muxtəlifə kişvəron, Fələstini millətiku himoyə kardeyədə hevujə aksiya bərpo kardey şoyd hestin.

Bə SƏHAB şəbəkə raporti əsos ki Tele-Rədyo aqentətiku nəğlış karde, Polşa paytaxt, Varşavaədə Fələstini himoyədorə əktivon, Ğəzzədə sionist rejimi qenosisi bə oxo rosniye tələb kardışone.

İtaliyavıjə şahrvandon həm, İtaliya poytəxt, Romaədə de aksiya bərpo kardey Ğəzzə məzlumə millətiku ıştə himoyə elon və bə ım milləti ələyh qenosid və sionist rejimi dəvominə canqi təcili vəy qətey tələb kardışone.

Fransə Lyon şəhrədə həm bə de Ğəzzə milləti vəhdəti nışo doey xoto, kali Fələstinıjə himoyədorə əktivə şəxson aksiya bərpo kardışone.

Almaniya Berlinədə həm millət, Ğəzzədə qenosidi canqi dəvomi məhkum kardışone.

İjən İnqilisi Mənçesterədə Fələstini himoyədorə əktivə şəxson Fələstini məsələ himoyə kardeyədə mitinq bərpo kardışone.