Ayəndə nışon bədoe kom kəs zəyif bıə

İroni Yolə Rəhbər kişvəri zəyif bey iddiyo çı dışmeni beəsosə xəyol iyən illuziyəonış zınə.

İroni Yolə Rəhbər ımruj de çandə sa nəfər çı İroni investoron iyən iğtisodi fəalon vindımoni təkidış karde:ayəndə nışo bədoy ki kom kəs zəyif bıə,jəqo ki Səddam həm de İroni zəif bey xəyoli bə İron həmləş karde, Reyqan həm de həmonə hani bəy koməkış kardə əmmo oxo har 2 nəfər və co xəyolbofon bə cəhəndımi vasil bıən əmmo İron İslom Respublika har ruj bə inkişofi tərəf hərəkətış kardə ki ın təcrubə de Xıdo koməki ijən tikror bənine.

Həzrət Ayətullah Xamenei bənə BRİKS iclosonədə iştiroki vey muhim zınəşe və bə İroni diplomatik fəaliyəton həmonə zərfiyətiku istifodə kardey zərurəti işorə  və əlovəş karde: çı BRİKS-i maliyə sistem ki de uzv bıə kişvəron puli moliyə həmkoəti imkon doydə vey muhimmə zərfiyəte.

Ə həzrət çı dınyo ticorətiku dollari məhv kardey qıləy lozimə koy zınəşe və votışone:həmonə koy ki İroni prezdent həm çəy icro dumoədəy iğtisodi sahədə vey muhimmə təyinəkə zumandə koye ki İroni mərkəzi bank həm bəpe meydonədə bıbu ta co kişvəron valyutaonro zəminə hozzo bıko ki həlbəttə çəy əncom doe reflekson boyis bıdə, əmmo kişvəri dasti oj bəkarde.

İroni Yolə Rəhbər ıştə sıxanon co baxşədə Ğəzzədə otəşbəst və səbarzəti çı muğaviməti bəji beyku çimiku bənav işorə kardə bıə sıxan və və`dəon nışonə bə hisobış varde iyən təkidış be: dınyo milləton çəşi vədə hodisəon bənə əfsonə mandəy ki bənə Amerkə dıjdə canqi maşin bə insoni prinsipon diğğət nıkardə holədə bə seoniston dıjdə sənqər darıştə bombaon doydə və ə xunpeşomə berəhmə rejim həm kə iyən noxəşxonədə 15 həzo hırdəni ğətliam kardə,əmmo ıştə hədəfon bə vırə rosniyeyro muvəffəğ nıbu.

İmom Xameneyi de işorə bə ın məsələ ki əqə bənıbe çı Amerkə hərbi koməkon, seoniston həmonə i minnə haftə məğlub əbin,əlovəş karde:seonist rejim 1 sor çand manqi mıddətədə Ğəzzə qədə tanqədə anədə kə,noxəşxonə, məçit və kilsəon bombardımon iyən cinoyəton kardışe əmmo nəhayətədə nəyin ki çəy siyoə dim və bədbəxtə rəyisi tərəfo təyin kardə bıə hədəfon yəni Həmasi məhv kardey iyən Ğəzzə be muğavimət idorə kardey hədəfon əməli nıbe, bəkləm məcbur mande ki de həmonə Həmasi muzakirə və çəy şərton ğəbul bıko.

Həzrət Ayətullah Xameneyi Ğəzzə macəroədə çı muğaviməti bəji mandey bənə İlahi və`dəon bə vırə rəsey nımunə bə hisobış varde və votışe:har vırədə ki çı Xıdo pok iyən çokə bandəon tərəfo muğavimət bıbu,səbarzəti hukmən heste.

İroni Yolə Rəhbər bə zinə ruji çı İroni iğtisodi fəalon iyən inkişofi navədəşəyon nımoyişqoku vindemon kardey işorə və əlovəş karde:ın nımoyişqo çı İroni həğiğətiku qədə baxşi nışo doydə əmmo eyni holədə oşko kardedə ki İroni ğeyri dıvləti baxş de anədə fişor-təzyiği ya təhdidon bə ğəbul kardəninə inkişofi mərhələ dast peydoş kardə və kişvəri hərəkət bə nav iyən inkişofi tərəfe.