Hindıstoni Trampi bə Nuyə Dehli ələyh fərmoni bıə reaksiya
Hindıstoni Trampi bə Nuyə Dehli ələyh fərmoni bıə reaksiya
Hindıstoni Trampi bə Nuyə Dehli ələyh fərmoni bıə reaksiya
AİŞ prezdenti bə ın kişfəri ələyh doə fərmoni cəvobən çe Hindıstoni Xarici Koon Vəzirəti elonış kardə:Boştə milli mənafeyon muhafizəro lozımi tədbiron bəvinde.AİŞ prezdent Donald Tramp bə Hindıstoni ələyh 25% əlovə qomruki rusumi tətbiğ kardey həxədə fərmonış imzo kardə.
Pars Tudey bə Mehr Xəbə Aqentəti istinodən doə məlumoti əsos,Hindıstoni Xarici Koon Vəzirəti çe AİŞ-on əlovə 25%-nə tarifi eloni cəvobən bəyonış kardə: AİŞ-on hərəkəton beədolətin,beəsos və beməntığe.Sıpiyə Kə Hindıstoni de Rusiya nati hıriye əloğədor bə Hindıstoni əlovə rusumon tətbiğ kardey bəyon kardə qıləy bəyonotış pevolo kardə.
Bə Sıpiyə Kə doə məlumoti əsos,Vaşinqton çı Rusiya nati idxal kardə mıəyyən kardə bıə bə diqər kişfəron həm analoji tarifon tətbiğ kardey bəzıne.bə əlovə tarifon həmçinin vositəçi və ya de seminə kişfəron vositə çe Rusiya nati hıriye həm daxile.AİŞ prezdent Donald Tramp dışambə ruji ıştə “Truth Social” nomo sosyal medya hisobiku mesaj vığandə holədə bəyonış kardə ki,Hindıston nəyinki dıjdə mığdorədə Rusiya nati hıriyedə,həmən ıştə hıriyə nati dıjdə i hissə ojə vıjorədə de dıjdə bəromə həvateydə.
