İroni çe Britaniya hukuməti beğanunə sanksiyaonış məhkum kardə

İroni çe Britaniya hukuməti beğanunə sanksiyaonış məhkum kardə

İroni çe Britaniya hukuməti beğanunə sanksiyaonış məhkum kardə

İron İslom Respublikə Londonədə bıə səfirəti de qıləy şiddətinə bəyonoti,çe Britaniya hukuməti bə İroni kali onemon iyən şəxson ələyh ğeyri-ğanuni və irtərəfinə sanksiyaonış məhkum kardə.İron İslom Respublika Londonədə bıə səfirəti cımə şəvi pevolo kardə bəyonotədə votey beydə:inqilistoni hukumət de beəsosə bəhonəon və beəsosə ittihomon ın sanksiyaon tətbiğ kardedə;bə İbıə MillətonTəşkiloti Nizomnomə bobə devləton miyono dustiyəti və həmkoəti sahədə bə beynəlxalğə huğuği prinsipon zidd bıə,fəğət dıtərəfinə munasibəton xələl vardə və beetımodəti zumand kardə qıləy hərəkət.

İron İslom Respublikə Londonədə bıə səfirəti əlovəş kardə:Həyğətən reqiyonal və qlobal sulh və əmniyyəti təhdid kardə seonist rejimi təcavuzkorə hərəkəton və cinoyətone;qıləy rejim ki,təcavuz,qenosid,hərbi cinoyəton və bə insoniyyəti ələyh cinoyəton həm daxil bıə holədə,ziyodə beynəlxalğə cinoyəton kardə və qırd sıə xəttonış darıştə və reqiyonədə ğeyri-sabitəti əsosə amili hisob kardey beydə.İnqilistoni Xarici Koon Vəzirəti bə İron İslom Respublikə ələyh ğeyri-konstruktivə mevğeyon dəvom doə holədə,çe İroni çandə qılə ticorət və nat-kimya şirkəton bə sanksiyaon siyohi əlovə kardeyış bəyon kardə.