İron: bəşmə ğeyri-ğanuni hərəkəton loyığinə cəvob bədomon

Ərağçi xitob bə avropavıjon:İron bəşmə ğeyri-ğanuni hərəkəton loyığinə cəvob bədoe.

Ərağçi xitob bə avropavıjon:İron bəşmə ğeyri-ğanuni hərəkəton loyığinə cəvob bədoe

İron İslom Respublikə xarici koon vəzir zinə cımə şəvi de Tehroni nuvə problemi anqıl məsələon həlliro bə diplomatiya sadığ mandə holədə ıştə məsuliyyətin və vicdaninə fəoliyyəti bə yod dənoə holədə votəşe:İslomi Respublika ıştə milli huğuğ və mənafeyon mıhofizə və təmin kardero bə Avropa seqlə kişfəri ın ğeyri-ğanuni və beəsosə hərəkəti loyığinə cəvob bədoe.

Avropa seqlə kişfəri xarici koon vəziron və Avropa İbemoni xarici siyosəti rəhbər zinə cımə şəvi de İroni xarici koon vəzir Seyd Əbbos Ərağçi telefonə qəpədə de AMHFP-i əloğədor mubahisə həlli prosesi bino kardero bə İMT Əmniyyət Şura rəsmi məlumat doeyro ıştə niyyəton barədə məlumot doəşone.Eyni holədə,bo problemon həlli və Əmniyyət Şura sanksiya ğətnoməon bə dumo oqordıney və ya həmonə snapbaki navi qəteyro nezə 30 ruji ərzədə bo diplomatikə həlli ro pəydo kardero ıştə hozzıətişon elon kardə.Bın telefonə qəpədə Ərağçi Avropa seqlə kişfəri demi anqıl hərəkətonış beəsos,ğeyri-ğanuni və hiç qıləy huğuği əsosış nıbə çiş zınə.

Əv,İroni bə beynəlxalğə huğuğ və Nuvə Silohon Pevolonıbey Mığoavilə bob ıştə mənafe və ğanuni həxon mudafiyə kardeyədə ciddi bey bəyon kardə holədə,umudəvo bıə ki,Avropa seqlə kişfər məsuliyyətinə nəzə və mevcudə realəti dərk kardə holədə,nezə rujonədə ım səhfə qəmi lozımi şikilədə sərost bəkardeyn