Almani polisi boçi Fələstıni pərçəmi qətə hırdəni təğib kardedə?;
Almaniya “Bild” jurnal sentyabrə manqi 22-ə ruji “Polis çıro Fələstıni pərçəmi qətə hırdəni təğib kardedə?”sərlovhəynə məğolədə bo almanə polisi ın ğeyri-insoni hərəkəti həx nışon doeyro cəhdış kardə.
Bə Pars Tudey doə məlumoti əsos,Bild jurnal ıştə məğolədə iddiyoş kardə ki,əslədə,ım 10 sinninə hırdən navko Berlinədə bə israyili əleyh dəvordınə bıə numayişədə iştirok kardəşe və bə jurnali nıvıştey əsos,yolon çəyku bə etırozçiyon və bə polisi ələyh təxribot və təhğır kardero bənə qıləy avjori istifodə kardəşone.bə parsemonon cəvobən,Berlini polis 10 sinninə hırdən Breitscheidplatzədə bıə numayişədə yolon nıbə holədə bıə iştirokişon təkid kardə. Almanə polisi ın hərəkətış "boçəy xandi kardero" və hiç qıləy şikilədə "həbs" nıbeyış təkid kardə.ın hodisə və Bild jurnali ımi bə sofi bekardey cəhdi kontekstədə jintonə məğamon ğeyd kardey çok bəbe:Bə Almanə polisi ın ğeyri-insoni hərəkəti veyə kiberməkoni istifodəçi reaksiyaş nışon doə. Məsələn,iqlə istifodəçi nıvıştəşe:Berlini polis Fələstıni pərçəmi qətə 10 sinninə hırdənış həbskardə.odəmi norohətəkə iyən xəcolət vardə qıləy ko.
