Kolumbiya Prezdenti bə Tramp iyən AİŞ-on ələyh tənğıdi kampaniya
Kolumbiya prezdent oxonə rujon Tramp və AİŞ-on de şiddəti tənğıdış kardə.
Bə Pars Tudey doə məlumoti əsos,Kolumbiya prezdent Qustavo Petro çe Donald Trampi siyosəton tənğıd kardə holədə,əvış çe sehyonit rejimi Ğəzzə tanqədə kardə tuməbırədə şərik və bə həbsxonə ayid beyış bəyon kardə.
Əv,bə Beynəlxalğə Cinoyət Məhkəmə Roma Əsosonomə işorə kardə holədə votəşe:AİŞ və israyil çın ğanuni tərəf həm nıbon,əmmo Kolumbiya bımi uzve və har qıləy kişfər ıştə əraziyədə məhkum kardə bıə şəxson həbs kardey bəzıne.Əy dəparsəşe:Netanyahu həbs kardey zıneydənbu,çən boçi ımışon nıkarde?
Petro bə Nyu-Yorki numoyişi omuj qıniye bədiqə,AİŞ çəy viza ləğv kardeyış bəyon kardə.Petro ın qəmış ğeyri-ciddi və çe Vaşinqtoni bənə bə beynəlxalğə huğuği behurmətəti əloməti rəddış kardə.Kolumbiya Xarici Koon Vəzirəti həm viza ləğv kardeyış bə İMT prinsipon ziddış zınə və çın təşkilotiku qıləy neytralə kə soybə kişfəri səçın kardeyış tələb kardə.
