Çin boçi çe AİŞ-on Yəmənədə kardə hərəkəton tənğıd kardedə?

Çinin İMT-ədə bıə numayəndə muavin Sun Li Əmniyyət Şura iclosədə ıştə amerkavıjə həmko iddiyonış rədd karde və voteşe:Vaşinqton Yəmənədə hərbi əməliyyoton bardə holədə beynəlxalğə huğuğış darıştə və bə mulki əhali əziyyətış doə.

Çinıjə diplomati bəyonoton çe AİŞ numayəndə bə Yəməni idxal kardə bıə və çın kişfəri ğıvvon tərəfiku siloh proqramonədə istifodə kardə bıə bəzi sıxanədə "dıcurnə oko doey bıə" hissəon Çini mənşə bey iddiyo cəvobən doey bıə.

Bə Pekini şəffofə mevğey təkid kardə çı Çini İMT-ədə bıə numoyəndə muavini bəyonış kardə:Çin bəştə hərbi məhsulon ixraci həmişə de ehtiyoti və məsuliyyətinə nəzəş tətbiğ kardə və dronon həm daxil bıə holədə bə dıcurnə istifodə kardə bıə molon ixraci ciddi nəzorət kardedə.Əy təkidış kardə:Çini şirkəton bə Umumdınyo Ticorət Təşkiloti ğaydəon və ozodə vıjori prinsipon əsos bıə bə de diqər kişəfəron normal ixtisodi və ticori həmkotəi malike və beədolətinə ittihomon və ya təzyiğon hədəf bıənin ni.