Аzərboycon bo NATO ekspansiyə ro lokomotiv peqardə     

Аzərboycon, bo NATO Cənubi Qafqaz və Mərkəzi Asiyadə mevğeyon ğoym karde ro bə alət peqardə.

Boku iqlə Ankara intereson ro ne, həmən məntəğədə bə ğərbi  ekspansiya bə jimon dəvonidə.

 Dekabri 10-də Аzərboyconi de NАТО hərbi təlimon barədə bastə soziş ımi ıkərən təsdığ kardə. Soziş,  II коrdinasiya didoron  «Mıttəfığ keşfəron adaptasiya imkonon təklifon» çərçivədə bastə bə və de təbılğati, ım bənə  məntəqədə sulhi bərğəror be edaştə bedə.

 Аzərboyconi Hərbi Ğıvvon bə NATO standartın ovaşte hələ noyabrə manqi 6-də İlham Əliyev de NATO nımoyəndon mulağaton bədiqə elon kardəş be. Bə ico de operativ eçınon təlimon navkoən dəvonə bən, intasi ın təlimon ısət həni azərboyconi əraziədə dəvonə bəben.

Joğo təlimon de Tırkiyə ərteşi dəvonə bəbin, iyulə manqədə hərbi vəziron İstanbuldə, hərbi əmniyyətəti ğoym karde və bə Ankara aid loqistik dastək doə memorandum imzo kardəşon be. İmon bənə de mıdofiyə məğsədi Şuşa deklarasiya bə vırə rosniye bə ğələm doə bəbin.

Isət ım «həmkoəti», faktiki bə NATO tabeyəti her-hevuj bedə və co əhəmiyyət kəsb kardedə, çumçoko keşfəri əroziədə dəvonə təlimonədə çe alyansi əlidə uzvonən iştirok bəkarden və əvoni Ankara ne, alyansi əlidə ğərorqo nımoyəndon idorə bəkarden. Аzərboycon de ın ro bə hamsuə keşfəron təsiri pevolo kardə mərkəz peqardə.

Yolə Britaniya çın səbəbiku həm bə Azərboyconi, həmən bə Ermənistoni noə siloh embarqo ləğv, Fransən de Əliyevi əloğonış soz karde. Çın eçınon çərçivədə Ğəroboğədə de erməniston-azərboycon əlağon baste nomi təlim mərkəz oj bəbe, məğsədən bəvon bə ico bə Rusiya və İroni əleyh ico hərəkət kardeye.

Vəy oməyonədə tırkiyə Boku ətrofədə bə yolə bazə  bə NАТО mərkəz və bə MA ovaşte ro tramplin oqardə. Bazə kaspi dıyo kənoədə onoe vote bəbe ki, Kaspi dıyo huğuği statusi konvensiya səpe qılı ğalinə xətt kəşedə, çumçoko ın konvensiya əlidə keşfəron hərbi ğıvvon iyo be icozə doydə ni.

Im həmən bo Şimol – Cənub strateji marşruti xəto bəvarde. Zənqəzur koridori onoe, Ermənistoni bə "tırk dınyo" umjən karde, Transkaspi marşruti onoe, bo Aİ və NATO ın keşfəron bə koloniya peqirdone çokə şəroit soxtedə