FİFA sabiğ prezdent:Bə Amerkə məşənən
Beynəlxalq Futbol Assosiasiya(FİFA) sabiğ prezdent de əmniyyəti anqıl norohətçətiyon səbəbiku çe Dınyo Kuboki təmşoəkəyonku bə AİŞ səyohət nıkardeyış piyə.
FİFA sabiğ prezdent Sepp Blatter dışambə ruji de əmniyyəti anqıl norohətçətiyon səbəbiku ımsor AİŞ-ədə bərpo bıənin bıə Dınyo Kuboki boykot kardə təmşoəkəyonış himoyə kardə.Bə Pars Tudey bə Quardiyani doə məlumoti əsos,Blatter həmçinin çəy prezdent bıə devrədə de FİFA mumkinə islohoton sahədə ko kardə isveçrəvıjə bə korrupsiya ələyh muborizə bardə vəkil Mark Pitti çe təmşoəkəyon turniri zəmonədə AİŞ-ku bə diyəro mandeyku votə şərhonış həm dastək doə.
Blatter sosyal medyaədə əlovəş kardə:"Fik kardedəm ki,Mark Pitt ım Dınyo Kuboki bə şubhə ji bardeyədə həxış heste."Pitt,bə AİŞ-on səyohət nıkardey səbəbonku qıləyni çın manqi əvvələdə Minneapolisədə AİŞ immiqrasiya məmuri tərəfiku Rene Qudi kışteyış nışon doə.
