İİR iyən Tayləndi xarici koon vəziron telefonə təmos

Tayləndi xarici koon vəzir Siyahasak Punaktakau de İroni xarici koon vəzir seyd Əbbos İrağçi bıə telefonə təmosədə çe reqiyoni hodisəon həxədə votemonışon kardə.

Tayləndi xarici koon vəzir de İslomi İnğılobi Yolə Rəhbər Həzrət Ayətullah Seyd Əli Xameneyi şəhodəti mınosibəti təsliyyət votə holədə,bo İslomi İnğılobi nuyə rəhbəri ovandətiş oruzu kardə.Tayləndi xarici koon vəzir məntəğədə canqi dəvomiku nəşət seyə nəticəonku ıştə norohətçəti ibroz kardə holədə,umudəvoş karde ki,çanədə rə reqiyonədə sulh iyən sabitəti bərğərol bıbu.İroni xarici koon vəzir de amerkə iyən sehyonist rejimi bə ironi kişfəri ələyh kardə cinoyəton şərh doə holədə,bın dəvardə 16 ruji dırozi bə ironi mərdumi ələyh min cumlə bə Minabi kinə məktəbi,bə noxəşxonəon iyən bə jimoni məntəğəon kardə hərbi təcovuzış şərh doə:Isətnə vəzyət çe amerkə iyən sehyonist rejimi bə İron iyən məntəğə ələyh təhmil kardə hərəkəti nəticəy və İİR çe vəhşiyonə təcovuz iyən həmləon mığobilədə boştə kişfəri milli hakimiyyət iyən ərazi təmomiyyəti mıdofiyəro ciddiye.