Braziliya:Bə İroni ələyh canq səfiyətiye
Braziliya prezdenti bə İroni ələyh canqış məhkum karde.
Bə Pars-Tudey bə İRNA nəğli əsos bıə məlumoti əsos,çe Braziliya prezdent Luyiz İnasyola Dasilva çe Vaşinqton iyən Tel-Avivi bə İroni ələyh bıə canqış məhkum kardə və ımış cındoətiş zınə.Əy votəşe:”Əmə ısət qlobal qeopolitikədə qıləy kritikə devroniku dəvardə holədəmon ki,de nığılə dıcurnəti mıəyyən beydə.zira qıləy holədə ki,kosmanafton bə kosmos şeydən,jenon iyən hırdənon behədəfə formədə Ğərbi Asiyə bombardımonədə kıştə beydən”.İnasyola Dasilva həmçinin təkidış kardə ki,visti iminə əsrədə ğəbul bıənin ki,bənə vəşyanəti,besəvodəti iyən bə elektrik enerji dast nırəsey bıə behronon çandə milyard insonon çe təsiri jiyədə ğərol doydə. qıləy holədə ki,2,7 triliyon dollar bo canqiro xarc kardey beydə.Braziliya prezdenti bəyonış kardə ki,dınyo holı-hozıyədə bə 1945-ə sori nisbətədə ziyodə canqon şoyde iyən dıjdə ğudrəton bımi təmşoəkə holədən.ısət çın sıvoliku bəhs kardey beydə ki,”Əsosən çe Əmniyyət Şura mevcudiyyəti çe foydəş heste?
