Xorrəmşəhri ozod karde sorqardış.

Imruj Xordadə manqi 3 minə ruj və bə təğvimi əsos de İroni Xorrəmşəhr nomo bıə şəhri ozod karde ruj bərobəre.

İroni təğvimədə ımruj çı mığovimət, isar və sabarzəti ruj nom noə bəy.

İroni muğəddəsə mudafiə fəxrinə rujonədə çandə yolə fəxrinə nımunə rujon heste ki həmişə çı İroni milləti tarixədə əbədi mande iyən Xordadə manqi 3 minə ruj çəvonku qıləyni heste.

İroni Xorrəmşəhri ozod karde ğəhrəmani çəy səth və boodonədə İroni tarixədə qıləy muhimmə noğtə heste ijən boiys bıə ki ısət həminə zumandə rohiyə və deşmənon vədə mığovimət karde dəvardə dıvrəon mığoyisədə vey bəştə aliyə dərəcə və miğdor bırəsi.

Xordadə manqi 3 minə ruj ne ın ki fəğət Xorrəmşəhri ozod karde bəlkəm İroni mudafiə ğudrəti nışonə və təcavozkaron vədə istiğaməti simvol heste.

İronədə ımruj vey yolə mərasimon bərpo heste və cəmaət vey bə ım ruj ehtırom kardedən, hətto mədrəsəon və məktəbxonəonədə ımruj çı mığovimət və istiğaməti nomo bıə zanq bə sədo omə ta ujnən millət həmonə ruji ğəhrəmanətion yod və xatirəon bəji bıkən.