Sepah Dıyo Ğıvvon dıqlə mıxtəlifə kəştişon oqətə
İslomi İnğılobi Nığodoə Sepah Dıyo Ğıvvon bə Hormozi tanqə ağılmandə nəzorəti cəhətədə zinə sıbi zəmonədə dıqlə mıxtəlifə kəştişon oqətə.
Bə Pars-Tudey doə məlumoti əsos,İslomi İnğılobi Nığodoə Sepah Dıyo Ğıvvon bə Hormozi tanqə ağılmandə nəzorəti cəhətədə zinə çoşambə sıbi zəmonədə hiç qıləy lisenziyəşon nıbə və bə sehyonsit rejimi məxsus EPAMINODES iyən MSC-FRANCESCA nomo dıqlə mıxtəlifə kəşti,de çandə qılə ğeyri-ğanuni koon əncom doey,naviqasiya sistemədə manipulyasiya iyən de dıyovonəti bə təhlukə eğandey, məxfiyonə surətədə Hormozi tanqəku xaric bey məğsədışon bıə,bo İroni şərofətinə milləti həxon bəyji kardey cəhətədə Hormozi tanqədə əvonışon oqətə.Imi həm zikr kardey lozıme ki,ısət ım kəştiyon deçəvon bo jeyə məhsulon iyən sənədon təftişi məğsədi bə İroni sərzəmini səmt bardə bıən.İslomi İnğılobi Nığodoə Sepah Dıyo Ğıvvon ijən həm təkid kardedə ki, Hormozi tanqədə bo İroni İslomi Respublikə ğanunonədə xələl icod kardeyro de harcurnə ğeyri-ğanuni hərəkəton ciddi iyən ğanuni rəftoron əncom doey bəbe.
