İroni hakemiyət iyən ərazi təmomiyətiku Çini himoyə

Çini xarici koon vəzir:Bə İroni ələyh bəro dəğandə bıə canq ğeyri-ğanuniye və əmə ğətiyə surətədə İroni himoyə kardedəmon.

Vanq Yi de İrağçi bıə didoədə,İroni mərdumi çe təcovuzkoron vədə mığoviməti iyən məntğədə bo deskalasiyə navi qətey və diplomatikə prosesi təğibi koyədə bıə səyonku tarif kardə holədə,bə Çini çe İroni milli suverenəti iyən əmniyyəti dastəkədə bıə ğətiyyətinə mevğey təkidış kardə və votəşe:Çini əsliyə mevğey de bə zu çanq ğandey iyən de ğeyri-ğanuniyə canqi mıxlifəte ki,çəy nəticəon ziyon vardedə.əv həm nəyinki,fəğət bo İroni,bəlkəm bə reqiyon iyən dınyo qırd kişfəron iyən milləton ələyh bıə.İroni xarici koon vəzir həm çe amerkə iyən sehyonist rejimi bə İroni ələyh cinoyəton iyən humanitarə həxon hoziyə formədə darıştey şərh doə holədə,Çini çe İMT Məromnomə fundamentalə prinsipon de amerkə iyən sehyonist rejimi təvəssıti darıştey məhkum kardeyədə və həmçinin çın kişfəri çe amerkə çı İMT Əmniyyət Şurəku suyi-istiofdə kardey mığobilədə mandeyədə bıə məsulonə hərəkətonku ğədrdonətiş kardə.Ərğaçi həmçinin ıştə Çinıjə həmtoş bə İroni ələyh tətbiği canqi bə oxo rosnyro bıə cəhdon ayid proseson oxonə cərəyonədə ğərolış doə və votəşe:İron çoko ki,ıştəni mıdofiyədə de zumandəti zohir be iyən həmçinin bo harcurnə şərə hərəkəton mıborizədə komilə hozzıətiyədəy,diplomatiyə ərsədə həm ciddi iyən sabitğədəme.