İroni bə dışmenon doə nota
Qeneral-Mayor Əbdullahi:Zumandə İroni dışmenon bəpe çe har qıləy səhfə hisobotiku dast bıkəşon
Pars Tudey-İroni İslomi Respublikə Xatəmul-Ənbiya(s) Mərkəzi Ğərorqo komandan Qeneral-Mayor Əli Əbdullahi,çe insonon bo İslomi İnğılobi şəhidə lideri dəfni mərosimədə iştirok kardero dəvət kardə zəmonədə de qıləy mesaji nıvıştəşe:Zumandə İroni dışmenon və çəvon reqiyonal və transreqiyonal həmdaston çe har qıləy səhfə hisobotiku dast kəşey və silohinə ğıvvonədə bıə çe İroni milləti fərzəndon bə har qıləy təhdid və təcavuzi ələyh saxt və təəssuf vardə reaksiyaon barədə fik-fam kardeyış piyə. “Pars Tudey” bə IRNA istinodən doə məlumoti əsos,Xatəmul-Ənbiya(s) Mərkəzi Ğərorqo komandan Qeneral-Mayor Əli Əbdullahi qıləy mesajədə nıvıştəşe:Devri yeqanə lider,İslomi umməti Ali Rəhbər,Həzrət Ayətullah Seyd Əli Xameneyi(r) İsfəndi 9 Həşi 1404-ə sori çe AİŞ və seonist rejimi cinoyətkor və terroristə təcavuzi bino bıə vaxti məzlumonə şikilədə şəhid kardey,bo İslomi umməti və bo dınyo ozodə insonon dılədojə qıləy xəsorət və qıləy qonə kədər həm bıbu,çəy pokə xun bə İroni şərəf və mıstəğiləti mehkəmə do ov bədoe və əy bəsə navnəsə həm zumand bəkarde. Qeneral-Mayor Əbdullahi əlovəş kardə:Im mudrik və diyəro vində lider de bə Xıdo peştıpurəti və mumin və de bə inğılobi ğıvvon etıbo kardə holədə,çe İslomi Respublikə okkuye zu bə zirvə rost kardeyış zıne.Rəket və bepilotə təyyorə zu inkişof,strateji elmi navşemonon,milli əmniyyəti zumand kardey və “əmə kardey bəzınemon” rufi çəy bə dumo haştə şərəfonkuye.In zumandəti jıqoye ki,bə dışmenonən barzə hərbi və tərkibi texnika və silohon rəğmən,hejo dıminə və seminə canqonədə təcavuzi qonə nəticəonışon vinde və xarətşişon çaşte.Şubhə ni ki, Mığovimət cəbhə zumand kardey və hukmronəti zidd mandə holədə torıx nıvıştə ideya,İslomi torıxədə dəvəşə qıləy fəslış icod kardə.Əy əlovəş kardə:Xatəmul-Ənbiya(s) Mərkəzi Ğərorqo və çı İroni Silohinə Ğıvvon Sər Ğərorqo,çe Mıcohidon Lider,bə əzizə şəhidə Xameneyi(r) şərəfinə mevğey de hurməti nəzə kardə holədə,xalği mıxtəlifə təbəğəon və fərdon,xususən həm cıvonə nəsli və çe kişfəri ayəndə onə kəson,ə əzizə insoni və çəy hurmətinə xıyzoni şəhidə uzvon vido,dəfni mərosimonədə deştə həyəconin,epik və unikalə iştirokon,çe İroni mığəddəsə ibemon və ittifoği dəvominə təzahuri nımoyiş kardey və ijən həm bə viloyətli bıə eşğ və məhəbbəton torıxədə ğeyd kardey və ə nəcibə İmomi nuroniyə rufi elon kardey vanq kardedə ki,şımə təmizə xuni bərəkəti sayədə çəmə millət bə şımə rəhbərəti kardə ğullə vey neze.
