Bəğayi:Hormuzi tanqədə kəştiromey əmniyyət Tehron-Məsğəti mızokirəon mərkəzədə bıə
Pars Tudey-İroni Xarici Koon Vəzirəti sıxanəvot çe Ərağçi bə Məsğət səfə təfərruoton izoh kardə holədə votəşe:İron iyən Omani rəsmiyon miyono bardə bıə mızokirəon çı Hormuzi luki sahilədə dıqlə kişfəri miyono tanqədə de nəğliyyotıi və kəştiromey idorə kardey anqıl roziyətiyon dayir koordinasiya hədəfış hestebe və tərəfon Hormuzi lukədə de kəştiromey əmniyyəti təmin kardey anqıl bə qıləy roziyəti rəseyro siyosi,texniki və huğuği səviyyəonədə mızokirəon dəvom kardey barədə bə roziyəti omən.
Pars Tudey bə IRNA istinodən doə məlumoti əsos,İroni Xarici Koon Vəzirəti sıxanəvot İsmoyl Bəğayi işambə ruji bə jurnaliston de İron-Oman mızokirəon anqıl sıvolon cəvobən votəşe:İron iyən Omani xarici koon vəziron miyono Hormuzi luki sahilədə çe dıqlə kişfəri miyono tanqədə nəğliyyoti və kəştiromey idorə kardey anqıl roziyətiyon dayir mızokirəon şanbə ruji Məsğətədə bərpo kardey bıə. İroni diplomatikə sıxanəvot,bın mızokirəonədə İron iyən Omaniku huğuği və texniki nımoyəndə heyəton həm iştirok kardey ğeyd kardə holədə votəşe:Tərəfon bə dıqlə sahili kişfəron suveren həxon və tətbiğ bıə beynəlxalğə huğuği,həmən bə İslomobodi Təfahumi Memorandumi 5-ə maddə muddəon hurmət kardə holədə,Hormuzi tanqədə kəştiromey əmniyyəti təmin kardey barədə mızokirəon və fiki mubodilə bardəşe. Bəğayi əlovəş kardə:İroni İslomi Respublikə təkidış kardə ki,Hormuzi tanqədə de omə nəğliyyoti idorə kardey təşkili dıqlə sahil kişfəri,de İron və Omani miyono məsləhəton roy və oxonə çandə manqi inkişof,xususən həm bə İroni ələyh AİŞ de seonist rejimi kardə tətbiği canq və çımi bə Hormuzi tanqədə kəştiromey bıə təsiron nəzədə seyə holədə bə həyot dəvordınə bıə.
