Admiral Səyyari :təslim be ironıjon bovədə heç qılə vırəş ni

Bə Pars Tudey xəbəron əsosi ironi ərteşi ğərorqoh rəisi votışe: təslim be ironi milləti fikədə heç qılə vırəş ni və əlovəş karde ironi silohinə ğıvvon zumandəti amerkəyu bovə kardənin ni.

Bə telerədyo aqentəti nəğli əsosi Pars Tudey xəbəş doə admiral Həbibillah Səyyari ıştə sıxanonədə ısətnə muhimmə şərayetədə bə ictimaiyyəti tov varde zumandətion təkid kardeədə iyən vəhdəti hifz və zumand karde ironi mıxtəlif qruponədə bə millət və məsul şəxson miyonədə vəhdət və həmdıləti zumand kardeş Amerkə terroristiyə ərteşi vədə muvəfəğiyyəti sirrış zınə və votışe: həmmə bəpe ım meydonədə vəhdətışon bıbo və həmohənq bıbon və şəhidə rəhbəri iyənbə çəmə zid təşkil bıə canqədə coqlə şəhidon ro dəvom doeədə ojnən bə zılmkaron və beynəlxalğə imperyalizmi nışon bədomon ki millət və islomiyə inğilob iyandıku co əbı nin və heç vaxti çəvon miyonədə fasilə icod nibəbe.