Pokistoni mıdofiyə vəzir: İslomi kişfəron bə seonistə rejimi ələyh ibemon vocibe

Pars Tudey-Pokistoni mıdofiyə vəzir bə seonistə rejimi ələyh bə İslomi kişfəron ibemoni vocibəti təkid kardəşe.

Pars Tudey bə İroni Tele-Rədyo Aqentəti istinodən doə məlumoti əsos,çe Pokistoni mıdofiyə vəzir Xacə Asifi bəyonış kardə ki,İslomi kişfəron həm bənə NATO ıştə fiki ixtilofon bə kəno bınon,bə iyande inteqrasiya bıkon və mevcudə ticorəti problemonku və dıtərəfinə mıbohisoənku bə kəno beşon. De israyili anqıl,əy əlovəş kardə ki,İslomi kişfəron i bıəninin və bəpe bə iyande inteqrasiya bıkon. Asif bə seonist rejimi iyən bəçəy siyosəti ələyh beşeyro çı "İslomi kişfəron vohidə cəvobi" zəruri hisob kardə holədə bəyonış kardə ki,"De israyili mınosibəton normal kardey bə mısılmonə xalğon foydə doydəni".