Putin: dınyo İroni milləti muğavimətiku mot və təəccubin bıə

Pars Tudey- Rusiyə prezdent təkidış karde ki həmmə dınyo İroni milləti şucaət və muğavimətiku mot bıə.

Bə Pars Tudey raporti əsos ki Təsnim aqentətiku nəğlış karde, Pencşəmbə şəv Rusiyə prezdent Veladimer Putin “Valday” nomo votımononi beynəlxalğə kəmpi har sornə iclosi 23minnə umumi iclosədə votışe: təbiətən həmmə dınyo de diğğətin İroni ətrofədə cari hodisəon təğib kardedə və İroni milləti muğavimət və şucaətiku ijən İslomi inğilobi Sepah Təşkiloti və silohinə ğıvvon və dıvləti idorə kardey vey barzə səviyədə hevujə ehtiyaton vıcudiku mot və təəcubin bıə; həmonə kəson ki hozzoin ıştə kişvəri millətiku mudafiə bıkon.Rusiyə prezdent ijən elonış karde: əmə de harcurnə təcavuz və həmlə muxalifimon və jığo etığodımon heste ki bəpe həmmə muşkilaton sulhomiz və sazışi royku həl bıbun. Umudəvomon Hormozi tanqə həm oj bıbu və sanksiyaon peqətə bıbun; həmonə mıvzo ki İron de səhih surəti çəy dumoədəy. Bə İroni ələyh beədolətinə sanksiyaon bəpe ləğv bıbun.