Wall Street jurnal: İron ıştə mudafiə istehkamon zumand kardey holədəy

Pars Tudey- Wall Street jurnal rujnomə Amerkə səmtiku bo de harcurnə tojə təcavuzi mubarizə bardeyro bə İroni mıdufiə istehkamon zumand kardey işorəş karde.

Bə Pars Tudey raporti əsos, Wall Street jurnal rujnomə raportış do ki təğibaton nışo doydən ki Amerkə səmtiku de tojə həmləon mubarizə bardeyro İron ıştə hozzoəti əlovəş karde və ıştə mudafiə istehkamon xususi atom təsisaton ətrofədə zumandış karde.Bə həminə raporti əsos, İroni İslomi Respublika rəsmi şəxson elonışon karde ki ehanə bə İroni ələyh, Amerkə tojə həmləon bino bıko, İron vey şiddətinə cəvob bədoe və ım həmləon hevuj peydo bəkay.Həminə raportədə ijən omə ki İron bə vositəçion votəşe ki ehanə bə İroni ələyh tojə həmləon əncom bıbu, məntəğədə Amerkəvıjə hərbi kəştion deştə koəkəyon bəico hədəf ğəror bədoe. Ijən Farsi dıyo ətrofədə kişvəron ki Amerkə hərbi mərkəzon mizbone ım həmləon məerəzədə ğəror bəqəten.