Zərif: Amerkə vey çok əbi ıştə rejimi hifz karde fikədə bıbu.

İroni xarıci vəzir Muhəmməd Cəvad Zərif təkidış kardə: Amerkə dıvlət İronədə rejimi əvəz karde əvəzi vey çoke ıştə rejimi hifz karde fikədə bıbu.

Bə İrna raporti əsos Zərif ıştə tojə Tuviter peyğomədə ğeydış kardə: Amerkə rəsmion jıqo bə rejimon əvəz karde ğeyri ğanuni iyən puçə siyasəton oqarde bə nav tarixədə mıtoliə bıkən və dəvardə dıvrəonədə bıə təcrubəon ıştə çəşi vədə ğərol bıdən.

Zərif əlovəş kardə: Tehronədə 1953 minə sori hərbiyə peqardımoni cərəyonədə ijən İroni 1979 sorədə bıə inğilabi təcrubədə xarıciyə kişvəron xar və zəlilanə mıdoxiləon sabitış kardə ki İroni millət çandə bo ıştə sərneveşti mıəyyən kardero xarıciyə kişvəron mıdoxiləon vədə mığovimətışone.

İroni xarıci vəzir təsdiğış kardə: çəy bəpeştə ki bo çand zəmonədə Amerkə dıvlət bə İroni əleyh təhrim və sanksiya ijən İroni rejimi əvəz karde siyasətonədə məğlub bıən Vaşinqton məcburi sorətdə Tehronədə 1953 sori hərbiyə peqardımoni cərəyonədə ıştə mıdoxiləon xoto ozrış tələb kardə və ğəbulış karde ki muzakirə karde yeqanə ro iyən metode.

Zərif votışe: bo Amerkə kişvər vey çok əbi ıştə rejimi oqətə fikədə bıbu ijən bə İroni rejimi soxtemonədə həğiğəton əcumlə 75 faiz səçınədə ıştə tale ozod surətdə mıəyyən karde diğğət bıkə.