Ermənistonədə Ğuds beynəl xalğiyə ruji iclos.

İrəvani Kəbud nomo bıə məçitədə de İron və Ermənistoni rəsmi şəxson və unnversiti tələbəonku i dastə cəmoəti huzur Ğuds beynəl xalğiyə ruji iclos bərpo bıə.

Im iclosədə İrəvani Kəbud məçiti cəmaət İmom Huccətul İslam Vəlmoslımin Şəcan Fələstin mıvzo və məsələş qıləy beynəl xalğiyə mıvzo hisobış kardə və votışe: Fələstinədə mıvcudə vəziyət insoniyəti mıvzoe və əyo çın millət ğətliam və qınosid bıdən.

Qıləy Erməniyə koşınas ım iclosədə təsdiğış kardə: məntəğədə noəmnion və canqi əsliyə amil siyonist rejime.

Suzi Serkisiyan votışe: Ərəbiyə kişvəron çı Fələstini milləti həxon peştədə mande əvəzi Amerkə və siyonist rejimi canq tələbə siyasəton himoyə kardedən və ım sahədə İron yeqanə kişvəre ki ciddi surət Fələstini milləti həxonku himoyə kardedə.

Co qılə siyasi mıtəxəssis Narinə Qeriqoriyan həm siyonist rejimi cinoyətonış bə bəşəriyəti əleyh hucum və cinoyət hisobış kardə və votışe: har ozod tələbə inson bəbe Fələstini həx-huğuğiku mudafiə bıkə.

Əv əlovəş kardə: əqə Fələstini məsələ həl bıə be ımruj jıqo dınyoədə terroristiyə hucum mışohid ni bəbe.