Fələstinıjə cıvon sioniston ğandə qullədə şəhid be.

sionist rejimi hərbion Əlxəlil şəhrədə de qullə qıləy fələstinıjə cıvoni bə şəhodət rosnedən.

Bə Fələstin məlumat ərosnə mərkəzi elanon əsosi ım fələstinıjə cıvon de sioniston silahlinə daveədə Əlxəlil şəhri Cəbəl Cohər mahlə neziədə şəhid bedə.

de ım fələstinıjə cıvoni şəhodəti Ğuds intifazə şəhidon ədəd bə 326 nəfər rəsə  Ğuds intifazə 2015 minnə sori oktiyabrə manqi təşkil bə.

sioniston fələstiniyə sərzəminonədə ıştə təcavuzkarə siyasəton inkişaf doeyu həmmişə bə fələstinıjon hucum kardən.