Azərbaycan Respublika iyən Tacikiston Ğərəboği istihsol bıə məhsulon hırye ğədəğən kardışone.
Jul 14, 2017 10:02 Asia/Tehran
-
Ğərəboğədə istihsol bıə çiyon hırye ğədəğən elan bıə.
Azərbaycan Respublika və Tacikiston təvafuğ kardışone ki Ğərəboğədə istihsol bıə çiyon hırye, həvote və varid karde ğədəğən elan bıkən.
Bə Terend aqentiyəti raporti əsos həminə ğərol çı Azərbaycan Respublika və Tacikistoni dıvlətiyə rəsmi şəxson zinə ruji 4 minə iclosədə ijən ticari və iğtisodiyə həmkarion kamissiyadə elan və təsdiğ bıə.
Azərbaycan Respublika iğtisod vəzir Şahin Mustəfayev həminə iclosədə bə 2 qılə kişvəri miyono 42 qılə imzo bıə sənədon işorəş kardə ijən bə siyasi, iğtisodi və mədəni həmkarion dəvom doe ijən inkişof təkidış kardə.
Tojə iclosədə 2 tərəf ijən bə Azərbaycan Respublika ditəsərrufati və sənaye məhsulon bə Tacikiston sadir karde imkon işorəşon karde ijən muxtəlifə sahədə sərmoyə noe pidəşon bən.
Tags
