Siyonist rejimi vədə Fələstini millət ijən mığovimət nışo doydə.

Çı Həmas təşkilati hərbiyə hissə sıxənəvot təkidış kardə: Fələstini millət həmmə deşmənətion iyən bevəcə planon dəvom peydo karde holədə ijən siyonist rejimi vədə mığovimət nışo doydə.

Ezzoddin Ğəssam hərbiyə qrupi sıxənəvot Əbuəbidə zinə ıştə Tuvitter peyğomədə təsdiğış kardə: Fələstin və siyonist rejimi miyono daveon əsliyə mehvər Məçit-Ələğsae.

3 qılə Fələstinıj zinə Məçit-Ələğsadə qıləy şəhodəttələbə əməliyotədə 2 qılə çı siyonist rejimi hərbion həlok kardəşone ijən ıştən şəhid bıən.

Həminə hadisə bəpeştə Benyamin Netanyahu əmrış doə ki cın mığəddəsə Məçiti kəy bəon nımoj votə kəson vədə bastə bıbu.

Qıləy holədə ki vey mığovimətiyə qrupon bə həminə əməliyati fəxr kardedən əmmo çı Fələstin muxarit təşkilati sədr Məhmud Əbbas de siyonist rejimi i minə vəzir telefoniyə əloğə oqəte cərəyonədə əy məhkumış kardə.

Bəzi ərəbiyə kişvəron iyən mığovimət cəhbədə ali rəsmi şəxson çı Məçit-Ələğsa kəy bəon baste məhkum kardışone.