İroni karate milli kamanda dınyoədə 3 minə vırə kəsbış kardə.

İroni karate milli kamanda de i qılə ğızıl və 4 qılə nığə midali Polşədə beynəl xalğ karate çempiyonatdə 3 minə vırəş kəsb kardə.

Bə İrna raporti əsos zinə şəv və Polşədə Verslav şəhrədə dınyo karate çempiyonatədə İroni varzışkoron muvəffəğ bıən de 1 qılə ğızıl və 4 qılə nığə midali dınyodə 3 minə vırə kəsb bıkən İroni milli kamanda bə kəno çın dıvrə rəğobətonədə Yaponiya 1 minə vırə və Fransə naib ğəhrəman bıən.

84 kiloqerəm hissədə İroniku Zəbihullah Purşeyb Qurcestan, Tırkiyə və Niyuzləndiku varzışkoron məğlub karde bəpeştə, finalədə çı Yaponiya nımoyəndəş məğlub kardə iyən bə ğızıl nışonə rəsə.

Im dıvrə rəğobətonədə Polşə kişvərədə 39 qılə kişvəronku nımoyəndəon əcumlə İron, Yaponiya, Ğəzaxıstan, Ərəbiston və Çiniku iştirokışon kardə.