Ərəbıstonı Ğətif məntəğədə Səudiyyə Ərəbıstonı coqlə hərbiyə şəxsi kışte.

Ərəbıstonı daxiliyə koon vəzorətxonə Ğətif məntəğədə qullə ğande nəticədə çı məmləkəti coqlə hərbiyə şəxsi kışteku xəbəş do.

Bə Əlhədəs TV kanali elanon əsosi Ərəbıstonı məmləkəti daxiliyə koon vəzorətxonə elanış karde zinə ğətifı Əlməsorə mahlədə qullə ğande nəticədə çı məmləkəti əmniyyətiyə ğıvvonku qıleni kıştə bedə.

ım hadisədə Səudiyyə Ərəbıstonı 6 qılə hərbi həm yarəjə bedən.

dəvardə haftə həm ğətifədə qullə ğande nəticədə Səudiyyə Ərəbıstonı 2 qılə hərbi kıştə bedən.

Ərəbıstonı şərğiyə məntəğon mincumlə Ğətif dəvardə manqonədə ale səud rejimi hərbion hucumon xoto silahlinə daveon meydon bə və desbə ısət çandə 10 nəfər çı məntəğə sakinonku kıştə və çandə 10 nəfər şəhrvand iyən mədəni və siyasiyə fəalonku həm dəstqir bən.