Dıyo nomo bıə çempiyonatədə İroni çokə mıvəffəğə huzur.

İroniku vığandə bıə dıyoiyə hərbiyə ğıvvon heyəti sədr Bokuədə dıyo nomo bıə çempiyonatədə çı İroni kamandaonku rozi heste.

Məhmud Amuzış votışe: qıləy şərayetədə ki İron i minə kərə jıqonə dıyoiyə hərbiyə rəğabətonədə iştirok kardə be əmmo 2 minə vırə kəsb karde vey rozi əkey.

İroni bə ım mısobiğəon vığandə bıə heyəti sədr əlovəş kardə həminə mısobiğəon vey çokə səthış be ijən bo İroni dıyoiyə ğıvvonro vey çokə təcrubə hisob bıdə.

Dıyo hərbiyə çempiyonati oxonə ruji mərasimon zinə de İroni hərbi dıyoiyə ğıvvonku nımoyəndəon huzuri Boku bəndərədə bərpo bıə.

Im rəğabətonədə ki Avqusti 10 minə rujiku bino bıə be 300 nəfər hərbi dıyoiyə ğıvvə və əsqər 9 qılə hərbiyə qəmi tərkibədə huzurışon be.

Azərbaycan Respublika, Rusiyə, Ğəzaxıstan iyən İroniku hərbiyə qəmion ım çempiyonatdə iştirokışon kardə.