Staffan de Mistura ımşanqo bə Tehron bome.
Suriyə koonədə İ bə milləton təşkilati rəisi məxsusə nomayəndə Staffan de Mistura ımşanqo bə İron daxil bəbe.
Bə İSNA ımrujnə xəbon əsosi Suriyə koonədə İ bə milləton təşkilati rəisi məxsusə nımayəndə bə Aztanə 6 nə iclosi nez beədə ımşanqo bə İron səfər bəkay və maştə de ironi xarici koon vəzir Muhəmməd Cəvad Zərif iyən de ironi xarici koon vəziri muavin və Astanə iclosədə ironi yolə muzakirə əkə Huseyn Caberi Ənsari muzakirə bəkay.
Suriyə bıhroni oxonə vəziyyəti barədə votımon iyən de siyasiyə votımonon roy ım bıhroni həl karde Staffan de Mistura de ironi rəsmi şəxson muzakirə karde əsosə muvzoonkuy.
Astanə 6-ə iclos ğərore 2017 minnə sori sentiyabriə manqi bərpo bıbo.
suriyəvıjə qrupon miyonədə Astanə 5-ə iclos 2017 minnə sori iyoli 4-ə İron Rusiyə Turkiyə Suriyə devləti iyən silahlinə muxalifon heyəton huzuri Ğəzağıstanı paytəxt Astanə şəhrədə bərpo be.
