Siyamənd Rəhman dınyədə həmməysə çokə əlilə varzışkor vıjniyə bıə.

İroniku Riyo Paraolimpiya ştanq rost karde vey qonə vəzni hənəkonədə bıə ğəhrəman Siyamənd Rəhman dınyədə bənə həmməysə çokə əlilə varzışkor intixab bıə.

Bə İroni milli Paraolimpiya kamisiya raporti əsos bo həminə unvani kəsb kardeyro Siyamənd Rəhman de Belarus iyən İsveçrəku 2 qılə varzışkor rəğabətış kardə.

Dınyədə həmməysə çokə əlilə varzışkoron vıjniye mərasim İ Bıə Ərəbon Əmirətiədə bərpo be ijən həmməysə çokə merdə varzışkor, həmməysə çokə jenə varzışkor, həmməysə çokə kamanda, həmməysə çokə varzışi tojə bino əkə merd iyən həmməysə çokə varzışi tojə bino əkə jen vıjniyə bıən.

Dəvardə sorədə Riyo Paraolimpiya ştanq rost karde vey qonə vəzni hənəkonədə Siyamənd Rəhman 310 kg ştangi rostış kardə ki dınyoədə ıştə rekordi çok karde kənoədə, ıştə 2-nə ğızıl midali 2 qılə Paraolimpiya yande bə peşt kəsbış kardə.