İronədə Muğəddəsə Mudafiə haftə bino be.

Imruj cımə, Sentyabri 22 ijən bə İroni əleyh Səddam rejimi hərbiyə hucumi(icburiyə canqi) sorğardışe.

Səddam rejimi təcavuzkarə hərbiyon Şəmsi 1359-nə sori Şəhrivərə manqi 31-ədə de həminə puçə xəyol ki i haftə mıddətədə karde bəznın Tehroni işğal bıkon de muxtəlifə canqiyə əbzaron iyən imkanaton bə İron kişvər hevujə həmləon bınoşon kardə.

Bəəs rejim 37 sor çimiku bənav de İroni tojə Nizumi məhv karde hədəfi ijən de istikboriyə kişvəron komək vey qıvoninə canqi bə İron icburış kardə ki 8 sor dəvom peydo kardə.

Səddam rejimi hərbion həminə 8 sori mıddətədə çı istikboriyə kişvəron iyən Fars Dıyo hamsuyə ərəbə kişvəron koməkon xıvand bıən.

8 sornə muğəddəsə mudafiə cərəyonədə bə dast omə təcrobəon sabitış kardə ki de həmmə problımon, fişaron iyən mali cəhətiku bıhranon ijən bəbe de Xıdo koməki və bəy təvəkkul karde çı deşmınon və dınyo ğəddorə hukuməton vədə muğavimət karde.

Imrujnə rujiku de tosə omə haftə İronədə və Muğəddəsə Mudafiyə haftə mınosibətiku vey məxsusə bərnamon bərpo bəbe.